買指數升跌，理應似買大細，唔係升就係呀，照計二分之一機會，但係都唔中。
之前我睇圖，即使係跌市我都覺得未轉勢，仍然係升勢，要去到23200先會停。但係上星期有幾日跌市，而家曾經跌穿22600，22600係我睇既好淡分界線。
當時我入左23000點期權，而家應該賺到3分1錢。不過可惜我又受到外界影響判斷，平好倉入淡倉，而家輸緊一半，個本都就黎無哂。
其實而家應該輸凸左，有幾次都係東亞戶口過錢去致富。而家如果個本都輸埋就要再過錢。
而家既淡倉平唔平好?而家仲係月頭，會唔會月中後轉勢呢？咁樣買其實係買大細，再次硬頸埋今次吧。下年再重新部署...
美國升咁多，又會有加息因素，而港股大藍籌好多都跌，會唔會係虛火?
做生意也不是每一筆都能賺，期權交易也一樣。
我因為職業的關係，沒有做生意的時間和產品知識，也沒有很大的本錢去投資生意，股票是我唯一可以做到的生意。做生意不熟不做，如果我要在股票市場成功，一定要對股市有認識，而買正股是沒有做生意的效果，因為沒有槓桿和本錢非常大，反而期指期權則可以提供一個投機的機會給我。
買一張大期要按金十多萬，我沒這個本，所以我選擇買期權。本錢多一點點的可以買十張八張，一點可以達到四百五百元，短線十分刺激，利潤也十分之大。配合上資金控制，其實即市短炒不過夜能獲利機會不細。再加上期權期指在跌市是也能獲利，不像股票那樣跌市時只可以守。
另一樣期貨比股票好的就是，有些股票有時跟大市升跌，有時又不跟，你跟本無法從大市圖表中預測到你手上持有的股票在升市時會否跟升。如果大市升你的股票不跟升，那種無奈真係不好受。反之期貨是炒大市，所需要分析的也只有大市的圖表。由此引伸，期權的產品知識在做生意的角度看就是要熟識圖表。
我對圖表有個基本認識，要繼續學習更深入的知識。到目前為止，我所知道圖表要分析的是支持和阻力位，判斷大市趨勢強弱，方便對下一秒的方向作出評估。而每一枝陰陽燭背後都有其獨特的心理決定，要分析要這些心理決定才能更準確評估大市氣氛和方向。有了這些知識才能增加你在期貨市場中獲利的機會。陰陽燭是最直接的工具，所以其他技術分析都是滯後的，所以我現在一定要非常深入學習PRICE ACTION！
之前買細期，一點十元，太過小錢，縱使你睇啱市，大市向你買既方法行一百點，你都係賺到一千元。如果你一千元唔獲利平倉，隨時連一千利潤都失去，更加可能會倒輸。但係大期黎講，一百點己經係五千元，係一個好可觀既短炒數字。
我之前係期權所賺到既十多萬元，現在只餘下一半，約八萬元。買賣正股都可以令我輸左一半，咁我不如買番期權，起馬都有機會賺番幾萬元。買賣股票同買賣期指一樣，都係無得估，但係期指可以買跌，己經比買賣股票多左一半機會獲利。
而家都輸到麻目哂，股票果邊輸幾萬好似無乜大不了，其中一個原因係果邊既錢我根本唔會拎黎用，賺同蝕都係放係個戶口。現在致富股票主動重倉669的認股證13089。雖然而家輸緊錢，但係依隻認股證係下年年尾到期，仲有好長時間，反正我都唔會長渣，如果有一倍利潤我都係平倉。
期指方面，我覺得都係將重心放係期權，寧願用多小小錢去買近一啲既期權，可以買兩張以上，只要大市一行到我所買既方向，好快就有幾千元，到時平倉再買，感覺得比買期指好。期指唔啱方向要先保倉才可以繼續持有，本身你要有本才可以。
致富股票果邊有利我都會轉回去期貨果邊買賣，股票都係無乜用。我係短炒型既人。
看到我所記錄的期指買賣表，原來我在期指裡已經輸了一萬多元，大約是輸了一千二百點。這個結果表示我還未有能力去做期指買賣。以往我在期貨市長賺到錢是買期權的，是做長倉賺的，可能我要改變一下投資策略。
這次我做期指好倉，入市時是根據我所學到的訊號，而入市後是曾經賺到百多點，大約千幾元，但我沒有平倉獲利，因為當時我想坐浪。可是隔日大市便回跌，但我的個人情感是想大市回升，其實當時已出現訊號會倒跌，但我忽略了這個訊號，繼續持有。而且一路輸到要加保證金，變相是輸多了。為甚麼會出現這個情況，是因為我沒有守紀律。我一路想在想希望大市可以好像七月和八月那樣一路向上升，但其實這是感情的希望。所以為甚麼書本都是在教你要有資金管理，沒有管理就是在賭運氣。
另外我那三十張26000點LC也是大問題，買遠期LC不是大問題，可是這LC是不斷溝貨下的結果。越溝成本越高，變成成本要八千元，如果能爆向我買LC的方向，的確是很好，會賺很多錢，但這個風險極高。期指和期權加在一起輸了兩萬元。
要從這兩萬元得出結論，要反省不要再犯，要賺錢就要慢慢來，一點一滴地累積，以保守穩陣方式追回所輸的。
1) 一定要有訊號才可入市，寧願錯失機會都不要盲目入市，就如戰爭一樣，你的本錢就是士兵，一定要有計劃才可出兵。
2) 期權不可在輸時溝貨，因為大市方向不是向你長倉方向行，很大機會你所做的長倉是錯方向，再溝貨只會越錯越多。要有寧買當頭起的意識。
3) 不要因為一兩個月的失敗而灰心，也不要因為一兩日的獲利而心雄，一切要依照訊號計劃進行。要將自己的情感抽離，既然用得PRICE ACTION作投資工具，那就不要被別人的意見或者新聞影響自己的計劃。
4) 在獲利的情況下，一定要在賺錢的情下離場，不可令到當次投資輸錢走。今次我是在獲利的情況下沒有離場，最終輸多了四倍錢。所以正在獲利時，止賺一定要設下執行。
今日係十一長假期之後第一個有北水既交易日。我自己既心中情感係今日如大升，原因為昨日美股升百幾點，而油價又升穿50元，另外再加上上星期試過升穿24000點，所以我本身幾有信心今日會升。果然一開市係高開170點，咁我就無睇到三燭訊號有無出現就再接入左兩張細期買升。點知個市係9點半之後一路跌，跌到下午3點半，最高足足跌左400點。而我今日期指就輸左7千幾元。
輸入7千幾元即係輸左7百幾點，如果大期黎講我今日輸左3萬5千幾蚊。其實我輸咁多係有原因，一一例舉如下:
1) 見唔到三燭或INSIDE BAR訊號，但係又入左市
我買期指係基於要見到三燭或INSIDE BAR訊號，如果唔跟訊號入市，咁就唔可以買期指。唔可以再有下次，今日我入市純粹因為情感覺得要升，如果我無依個信念，只係順勢既話，今日就唔會輸咁多。
2) 無嚴格執行止蝕
同一個原因，又係因為情感既關係，一味覺得要反彈，所以無按既定既比例去做止蝕。今日輸咁多係因為個止蝕亂設，導致止蝕太遠，個本金已被磨走。
3) 係逆勢既時侯加注
加左注變左係溝貨，如果係向自己方向係運氣好，因為加注都無按任何訊號。盲目去加注，變相輸得更多。
4) 一味想報仇而衝動入市
係輸左好多錢既情況之下，不過衝動入市買相反方向博勢。點知無轉勢訊號，反而逆市輸得越黎越多。其實應該冷靜離場，因為情緒己經控制依自己既埋性盲目入市。
以上4點我唔係第一次犯，一定唔可以再次發生，輸就輸，下次有訊號先買，唔可以盲目入市。咁做太衝動，好快會輸哂啲錢。
而家我手持一張好倉，準備過夜。今次設左止蝕位，同埋入市係見到60分鐘出現三燭訊號。而跟據日線圖，而家係行上落市。如果今日跌，行上落市既前題，聽日好大機會會行升市。希望預測會中啦！
雖然今日係平早左好多，但係都有10800利潤，已經好滿足。估唔到今日越跌越有，如果唔係要番工，我諗平倉時間可以掌握得更好，但依啲就係所謂既運氣。係你既錢先會袋入你袋。
講番今次升市同跌市都捕捉到，要總結一下經驗，為下次既交易做準備。首先係八月尾果一星期既橫行市，我當時既睇法係莊家造八月期結市，會等結算後先升或跌。但係買升定買跌呢？我係幾次既期結市都發現到一樣巧合野：
當莊家諗住結算後跌，會係結算日上午，向下試某個支持，然後結算日下午就會急插插穿支持位。
當莊家諗住結算後升，會係結算日上午，向上試某個阻力，然後結算日下午就會急升升穿阻力位。
雖然上述兩點未必次次都啱，但係係無根據交易既情況下，用以上兩點作根據都係唔錯。
今個八月就係向上試23000個支持位，結自日後就開始大升，一路升到二萬四千二百點。而係依個高位，我既睇法係RSI已經好高，超過70, 而且恒指已連升兩個月而沒有回調，再加上二萬四千點以下的熊證已全部被屠，所以我認為頂已到，決定入LP。明天走勢如何無人知，但係我係根據我的分析去買。
而我對睇大市有新睇法，就係要先用PRICE ACTION分析現在係行RANGE定係TREND，如果係行TREND就要跟勢去買，不要去買轉勢。因為轉勢的時機只有一個，捕捉對的機會好細。所以要跟勢買，這樣勝算比捕捉轉勢高很多。買入是徒弟，賣出是師父。其實這個升浪和跌浪我都平倉早了很多，導致不能賺到大錢。所以要學習在那一個位平倉。
今日買左一張23000LP，期權金128元，成本六千多元。目標可以賺五百元就可以。
不過而家捱價中，唔知今晚美國股市會唔會跌。其實恒指七月到而家九月頭已經升超過二千幾點。我一路無買好倉，係上星期五入七張LC博下，好彩俾我博中，但係無渣到今日，所以食左三萬幾蚊就算。如果今日平應該有差唔多五萬既利潤。
其實我好耐無係期權賺到大錢，對上果次係二月農曆新年後，一野賺十萬。算係我既代表作。今次賺到三萬都好滿意，希望可以繼續賺。
講番依張LP，我係賭仔心態咁買，因為依個時候做淡係逆市而行。我買既原因係大市升左太多，一個升得急既市點都要回一回調整。希望我會捉到調整浪。後市我應該會買番LC。不過要小心輸時間值，因為有機會再橫行半個月。
今天行的是高開後橫行一整天。我的7張LC已經全平，因為我認為大市就算不跌也會橫行一段時間，實在升得太高了，沒有回吐過。過了今天後，引申波幅應該會大縮，到時期權金便會跌，所以我選擇今天了所有倉。
其實我平了7張LC後，是有買一張LP試水溫，這張LP是有設止蝕價的，結果是蝕了650元。雖然是蝕了，但我認為值得試。因為當時我已獲利34100元，有本錢去輸，二來我當時是博大市即日回調，不過最後沒有。現在我的期權吉倉中。
明天我會將獲利的錢轉去東亞做生活費。首先有15000是之前由東亞借轉到期貨戶口的，要先過戶回東亞。另外我會再拿5000元作使費，可能用來買衫等等。所以要從這三萬多的利潤拿二萬元去東亞。而股票戶口借孖展的6200元，等新股上市後平倉再轉回東亞。這新股抽到一定會賺，到時股票戶口會有利潤。
現在是九月頭，究竟這個月應否再買LC或LP呢？我估計要買LP吧，總不會一路升而不回吧，就算大漲小回也應該要出現。不要衝動入市，以免這三萬多元利潤會倒輸。
上星期九月一日買了7張24000LC，成本要二萬多元，平均成交價是67元。我在買這些LC時覺得大市是要升的，因為八月尾期結已經橫行整固了一星期，一直在22800附近上落，沒有太大波幅。當時我的估計是要爆單邊，一係大升一係大跌，因為引申波幅已跌到很低位，但星期五有回升的表現，再加上期貨的保證金增加了，這兩點都表明這過了這週未應會有大波幅的。
暫時我的7張24000LC利潤有萬多元，到明天開市應該有機會利四萬多。不過由於不明朗因素仍然有，究竟後會如何行我不知道，所以定下明天的策略。而星期一美國沒有市，所以明天可能夾升，要看上證指數，如果上證指數都向好，明天可能升超過500點。如果真是這樣，引申波幅會大漲，應該要將7張LC全部平倉，因為大漲後要小回，到時引申波幅縮，期權金會縮很多，這是我的經驗。以下列出幾種明天策略，因為明天番D，只能十一點以前在家，而下午則只有兩點半至三點三看到大市，所以很不方便。
明天應該九成高開，只會出現以上三種情況。2和3情況是以十一點以前計，行這兩個方案我都要立即平所有倉。 而如果行情況1，則要分開平倉，十一點以前平6張，留下1張LC等下午平。總結明天會平哂所有LC。
暫時估計應該會有四萬利潤。一萬六千元要轉賬回去東亞，這是之前借來買LC。另外轉一萬去東亞買東西。餘下二萬利潤放在期權戶口作買賣。
而股票戶口是向東亞借了六千元做孖展抽新股，抽到新股後要退還去東亞戶口。
我記得2014年6月7日先在渣打銀行開證劵戶口，然後就開始自己操作股票。當時無睇書，是在網上看資訊然後去投資，結果是輸多過賺，後期開始買賣牛熊證，有賺有蝕不穩定。期後機緣巧合之下在羅湖認識到一個師兄，佢教我睇即市圖同期指操作技巧。然後在2015年6月25日在致富開設孖展股票和股票及指數期貨戶口。從些開始自己操作期權和正股。
直到今天2016年8月13日，不經不覺我已操作了股票兩年多，技術進步了很多。最強的單次勝利是賺到十萬元，其他的都是分數次賺錢，買了很多東西。在這兩年間，我看了很多股票書，對股市操作都有自己的看法，但是還未夠，一定要再進步。現在希望可以在DAY TRADE上下點功夫。
現在寫下我的目標和看法：
股票操作是要有一個框架，這個框架即是一個投資組合，要有長線有短線：
1) 收息股，穩定長線，不用理會股價上落，持有目的是收息
2) 長線股，股息多小不是主要因素，要選出未來會持續發展的行業，投資下去等待股價成長，短期的股價上落並不影響持有長線股的看法。
3) 短線股，可以係仙股，主要是食波浪，有利潤就要平倉獲利。
4) 期權組合，每個月都設一組期權組合，持有到期結。用一組值博既組合，小賺幾千元。
5) 長倉短線期權，有時候一個月入面會有幾日行趨勢市，捕捉這些趨勢用長倉去獲利。可以短線到十至十五分鐘，一日賺到幾千元也好。
如果自己的股票組合包括以上5項，那樣在股市中獲利的機會大大增加。
而我的目標是每個月可以在股市中獲得利潤，而做DAY TRADE短線是第5項，炒即市可以大大減低過市風險。每日只要有利潤就可以，密食當三番，積小成多！
今天開市先買LC，到大約22500頂平倉利1300元。及後我的看法是22500頂是保力加通道頂，應該要回，所以再買LP，到下午果然回落到22400附近，我的LP平倉後利1900元。雖然不能在最好價位平倉，但都已經滿足，因為利潤不錯。
我發現短炒要跟據保力加通道的訊號作買賣決定，感覺都自準確，比起沒根據買賣好。如果圖表上的保力加通道沒有買賣訊號，這就是一個不要入市的訊號。如果價位在保力加通道的頂或底台20天中線，這就是可以入市的訊號。
要再慢慢修正一下自己的技術，要從期權中賺到錢感覺比正股易，一來不用等，二來進退快。
MHI22400H6 SC 346
MHI22000T6 LP 200
MHI22400T6 SP 356
MHI22800H6 LC 181
以上期權各一張，試持有到期指結算日，看看有否利潤。
今早平哂三張23000LC，利潤7400元，算唔錯。本身我以為今日會升到22500, 但係大市升到上去22400就行RANGE，唔肯再上。所以我決定將所有LC平倉。等下一個機會再入，而家始終係月頭，仲有時間去賺多一轉。
本身我睇好會上到23000先出現阻力，但係莊家今日唔升，上星期五美國既好消今日都唔大升，似係想壓住個市。而今朝已經屠左一堆熊證。係依個行RANGE既市，感覺唔應該入市住。我個人情感覺得係要回落，可能等深港通再爆上，依個星期有機會係22500與22000上上落落，磨下LCLP既期權金。
今朝追CALL既如果不能在1000時前入市，現在已經倒輸了。如果今日大市跌穿22285, 我就入一張LP。看一看市況再作決定。剛剛下了指示，在期貨戶口提取4500元，一切資金都打和了。無貨一身輕。
初步計劃，當期指到達22700, 我就入LP22000。22700係月線圖保力加20天線，而日線圖的20天中位線是21850。
現在只有正股指示，買入29000股2012@0.33。
以下是截至08-08-2016的正股持倉明細：
以戶口計
東亞：
1317 100000股
8195 80000股
渣打：
1317 6000股
2012 6500股
致富：
1317 14000股
2012 29000股
8195 200000股
－－－－－
以持股量計
1317 120000股
2012 35500股
8195 280000股
牛證蝕，正股400又蝕，佣金又蝕。今日係一個好特別既日子，期貨輸，正股輸，牛證輸。
而今日全部戶口大轉倉，致富股票止蝕400，輸左萬幾蚊，然後將所有蝕錢入哂1317@7.51。渣打方面亦都止蝕400，輸大約4000元。東亞股票止蝕400都輸4000元。
牛證和正股和期權加埋輸三萬，一日輸三萬。再次大輸！
不過今次將所有止蝕出黎既現金買哂1317，希望過左今日，會重捨升軌！
東亞12000股＠7．6
致富孖展14000股＠7.51
渣打6000股＠7.56
唔計孖展，總共持有32000股。今次真係ALLIN！
輸唔緊要，只要有信心，所有輸既都會賺番番黎。
今次東亞戶口只餘九千多元，要扣多四千元用。不過唔緊要，其他戶口都有錢，必要時可以過數去東亞作生活費。我對1317有信心！
而家淡倉渣住四張：一張21000LP，另外三張20000LP。今個月個走勢係點無人知，如果真係可以係期權賺番四五萬，要轉番兩萬去致富股票，一萬去渣打，一萬去東亞。
另外東亞持有既80000股8195@0.027同致富持有既200000股8195＠0.025則長線，既然以上8195都敢輸，何不長線持去敢賺？買既當初已當全輸了。
睇圖表同分析基本面果啲全部都行埋一邊，運氣係最重要。股市跟本就係一個賭場，所有分析同你睇百家樂盤路一樣，都係等你買入賣出有樣跟據而已。
當一個股市係咁升或係咁跌既時候，根本無人知會跌到幾深或者升到幾高，無人係邊個係頂邊個係底。你買左入去，個市同你行相反方向係你唔好彩，如果個市行同一方向咁就係你好彩。所有分析都係講行邊一邊既機會高小小，等你買入有個信心而已。
賺左就要用左佢，輸都要認命。怨天尤人無用，拎啲時間睇多本書算數。有本就有機會，入市就有一半機會賺。
今晚期指已下試22000點，我既牛仔全被屠，咁就六千元。過眼雲煙。
當你睇住個圖表，你個人就好易俾個圖帶住走，所以唔應該好高注意力咁望住個市。
依六千蚊唔使覺得可惜，上次700一斬倉都唔見左十萬。有六千起馬叫做有個機會賺大錢，而家無左個機會，下次一定會有。只係要慢慢來。
都係果句，唔好失去信心就得！
前日收市前入左好倉，所以昨日一高開我就倉左二千多元既利潤，然後我即刻入淡倉，好好彩大陸突然大跌所以帶動恒指都由升變跌。依短短既五分鐘跌浪，我既好倉就賬面賺左一萬幾元。我既期權倉由本來輸八千幾元變倒賺一萬元。
但係我唔知足，想買賺，不停入市買好倉買淡倉。買到佣金高達680元。到收市既時候變左倒輸四千元。
過眼雲煙，所有都係賬面既賺蝕。而家要反醒一下今次既問題。
1）其實果五分鐘急跌，運氣黎。如果賺到應該先收手平倉，將利潤倉左先。
2）唔可以再好似昨日咁不停做好做淡，俾個市帶住咁走，唔理有無賺都先輸佣金。
一切都係心魔，今次當汲取教瞓，下一次再遇到相同情況要記住食左就要停，唔好再過度交易！
我果一張21800LP唔知去到期結有無價值呢？
其實我個人情感上，覺得唔會結係22000以上，要結係21800以下，其實一日已經可以。如果下星期大陸跌，其實我覺得恒指都唔會大機會升，始終港股都係跟大陸為主。
恒指升到22000，感覺有頂係個大阻力，如果要回調到21300其實好合理，始終連升左多日，有一個良性回調係好事，再加上近期結日。回調可以殺好多好倉。
我覺得係依個階段，唔係太多人敢買淡倉。如果莊家要殺好倉，其實理由充足。希望下星期會跌，等我正股都有水位入。
果隻1317我會再入，睇圖估計會去到7.5先有支持，會果真係回到果個位，我會重注入。而400將會係8月18日公佈業績，希望可以令股價衝上13元，我確信依隻股未來前景無限。我對400有信心！
話說我琴日同今日都係期權度拎左幾千蚊使。琴日賺四千，今日賺三千。琴日賺果四千已經提左款去用。而今日賺果三千再買左21800LP，成本五千元，我博期結會係22000以下，有機會去一去21300點。
講真，係而家依個情況，如果單係跌穿21800，進入我張LP既行使價，我估我都即係平倉，如果跌到21800點，我做計張LP會有200點期權金，大約可以賺5000元。
而家個市，好難估會唔會跌多過一日，如果即日食，其實都幾和味，不過前題係要你有時間睇住個市，可以隨時平倉。好似我今朝咁，本身張22000LP賺緊五千幾元，不過個市彈番起，到我平倉果時變左賺三千元。果二千元差價可能講緊一分鐘既事。所以平倉既時機係好重要。
如果可以每日都食幾千元，其實好過坐貨，因為唔使過市個風險低好多。
而家有持果張21800LP其實都幾險，因為得番四日就其結，每日都係度輸時間值，所以一有機會就要平倉走人。要買都要買八月期權。
八月期權試下計下價先，可以LONG兩邊，但要動態咁LONG，即係唔好同一時間LONG，先LONG大市方向，如果感覺到頂或到底再LONG番另一個方向，可以價外既，如果成功的話可以食兩邊。八月可以試一試。
本來琴晚係荃灣三聯見到AL BROOKS既簡體翻譯書，不過無買到，諗住頭先去買。點知去到搵唔到，我估已經俾人買左，無奈之下唯有番屋企，諗住上網買實體書。搵下搵下發現原來淘寶有成套，中文翻本同英文原版都有，係PDF版。除此之後仲有佢係網上教既課程片，實在太好啦。佢依套網上教學片，係HSF GROUP度要收幾千蚊，我估大同小異。
依間淘寶店除左AL BROOKS既書之外，仲有另外兩個作者既電子書，都係講PRICE ACTION，真係物超所值。因為我想買果本翻譯版都要成125元，依家我俾人民幣50元就可以有齊三個唔同作者既電子書同網上教學課程片。無人夠佢平！希望睇完佢地既書，對陰陽燭技術分析有再進一步既體會啦！
其實睇啱市，一日要賺一兩千蚊真係易過借火。所有買書既成本都抵消哂！
如果月頭LONG兩邊，先唔好諗LONG幾遠，如果是旦中左一邊，可唔可以COVER到另一邊輸既成本呢？ 如果真係月中前中左入行使價內，應該一定抵消到輸既成本。
假設中左入行使價，理論上唔使理輸果邊，因為平唔平倉都已經輸錢。係依個時候應該將FOCUS放係賺緊錢果邊，要考慮幾時平倉，否則賬面賺到頭來變輸，咁真係輸兩邊。
我地應該以邊種心態買期權呢？即食定坐呢？
我試過係期權一炮賺十萬，都試過幾日輸番六七萬。對我黎講都幾大上大落。如果睇啱邊，即日先要購一萬兩萬唔難。難在你應唔應該過市，過市風險極高，一個唔好彩會由賺變輸。
剛剛係期權度賺左二千元，立即平倉過戶，拎去用左先算。不過今個月我輸八千元LP，睇錯市但無後悔，因為一旦睇啱會賺幾萬元。果五張LP當保險。而家我手持兩張LC23000點。如果牛市要上唔難，我諗緊好唔好過市，因為依兩張成本要萬六元，其實可以計一旦明天行相反方向會輸幾。
依排期權成績好差，無大進展。賽後檢討係自己睇錯市，又買得太大注。其實注碼控制係一個學問。係咪應該一注一注咁買，唔好一開始就all in呢？
今個月我食唔到個升浪，因為我個人情感覺得要跌，所以係期權金34元入左5張19000LP，在到月中大市已升上21500點，依5張LP已經廢左，但係我無再追升。依一點要反省下，究竟係咪要追升呢？
我去到今朝先入番4張22500LC，離期結日得番6日到，不過我無諗住過夜，所以唔須理會幾時期結。我今日目標希望有二千元利，因為我想買部3DS。唔知有無機會呢？
利潤二千其實只係期權金升十點，感覺唔難，因為大市氣氛係向上，有資入市，將期指推上去應該可以好快。希望大市向上啦！
琴日收市前大市突然爆升，我立即平哂所有淡倉熊證，轉左買好倉同牛證，如下:
三張19400LC@507
一張19800LC@488
200000股62799@0.042
200000股62799@0.043
美期，黑期同ADR爆升，今日應該裂口高開。我係度諗好唔好平19400加19800注?
19400果3張我今日會平，因為已經深入價內，我覺得加多一至兩19800LC無錯，如升應該唔會升一日，睇情況吧。
頭先轉左幾次LC倉，最後中午前平哂所有好倉同牛證。共賺約7萬元。我會轉賬三萬五千元去買正。其餘再慢慢滾大。
剛才入了兩張18600LP@155，現時輸了一千。我始終覺得今月會跌，只要市場消化了這個不知名升市消息後會倒跌。如果不跌，就輸了這兩張LP吧，如果真開始跌，就加注兩張。
我買18600是因為根據月線同，二月的期指最低價是18200，如果今月是終極一插，一定會穿18200，所以18600是穩陣的。
下午三點，波幅指數在升，但是大市卻是升而不是跌，出現背馳現象，應該會大爆單，不知是升還是跌呢?
本身諗住今日會爆升一段先插。不過今朝竟然高開之後回到19080底位再回彈上去19100，全朝都係係依個區域上落。
依種上落俾我一種感覺，就係儲緊牛熊證既貨，等待爆單邊。如果我想信今月跌之前係畫上影線既話，咁而家要渣依LC，等期指上19200。
覺很19400會係今個月頂，所以當見19400時我會沽番落去。
現時持倉:
兩張19200LC@489
兩張19400LC@437
現在四月期指比三月期指升水十點，我記得二月果時，三月期指曾比二月低水一百。究竟依種高低水有無啟示?
話口未完大市已倒跌，立即平哂好倉，轉左六張LP@286
依家渣住左4張細期，唔知開市係點，我要set止蝕價，因為番工睇唔到市。
估唔到今日跌市收場，好彩今日回到啲利潤，無蝕得咁傷。我尾市入左兩張19200LC，原因如下:
1，大陸今日跌到雙底就唔再跌，仲有番彈跡象。
2，如果要跌，明日應大約開市位係今日收市位，並要升一升畫條上影線。
如果1同2都應驗，我認為咁期指最小都要升空19200。
剛才夜期突然爆升，咁明日應該要借勢升一段。19276將會係一個關鍵位，可能SP或SC 都係會19200前或後行使，要留意。
今日收市後夜期竟然升。而家黑期同ADR背馳，唔知聽日點樣走。希望跌市啦!
慘敗，輸番10萬。最慘係收市時入左期指，果度輸左約兩萬。而家有持四張細期@19215點，希望星期一會跌市今我輸小啲。
我始終覺得3月會大大咁跌一野。要留本狠渣!
琴晚道指，美國同ADR都跌百幾點，ADR報19230，反而黑期無ADR跌咁多，報19330，出現背馳現象。會唔會近期結，期指造市唔俾二月跌穿19000點呢?
而在持倉如下:
二月19400SC兩張@215.5
二月19000SP一張@55
二月18800SP四張@29
三月17200LP四張@112
61662 200000股@0.031
而家回顧之前做既倉，都因為膽心市況轉變而倉，其實都無計。因為當時做出既決定一定係當時覺得最好。不過我想信隨著經驗增加，做既決定會越來越好。等陣睇下今日市況如何。
今日終於插三百幾點，SC LP 熊證有利潤。不過因為跌市所以SP蝕緊，但只要唔到價內唔使怕。可是而家保證金唔夠100%，我會過市先，睇情況平倉，或者平一張19000SP。
而家期指10天線係19025，我估期結前會頂住19025依個大阻力。結後才會跌穿19000。
今日竟然又裂口高開，所有熊仔都被屠了。不過我又係賭仔心態，又入左200000股61662@0.031。希望唔好被屠。
而期權方面剛平左LP18400，得番幾日就期結個勢要殺落18400機會好細。而家持倉係2張19400SC同一張19200SC。
如果收市前都跌唔落，保證金唔到95%以上咁就要平左果一張19200SC。
