明天的期權策略

本身手持兩張大期19000 PUT.

今日係全日高位買左一張細期20000 PUT.

尾市平左其中一張大期19000 PUT, 先獲利$3850.

由於另一張大期是較高位買, 所以暫時蝕$2900.

而今天買的細期則暫時賺$100.

明天有兩個方向. 自已設定多條支持阻力線, 特別是OHLC線. 跟據各條線的發展去作買賣. 我想如明天可全日看市. 可以試買細期期指.

如果升市, 則追入大期24000 CALL.

如果跌市, 可考慮追入一張大期20000 PUT.

博即日反彈!

九月期權功課 - 29082015

從今日開始嘗試在這裏做期權功課, 以圖表與未平倉合約去估計將來期指走勢和支持阻力位.

1. 從日線圖看, 星期五高開補回星期一的低開裂口

2.RSI紅線開始向下插穿藍線

3.DMI紅線在藍線上, 要留意給紅線下週回否向下插穿藍線. 若沒有的話則要留心大市走勢是否一致向下跌

4.OBV紅線繼續處於藍線下

5.MACD紅線繼續處於藍線下

1.週線圖走勢繼續向下, 今週最低位跌穿上週最低位

2.跌破平均線, 還是向淡

3.RSI, OBV, DMI, MACD紅線繼續處於藍線下

1.月線圖四連陰, 跌穿上升軌

2.RSI, OBV, DMI, MACD紅線繼續處於藍線下

1. 跟據靠山論, 列出多個支持阻力位. 每個位升穿跌破都是一個指標
2. 因為走勢向淡, 所以指數位多設於22000以下

1. 未平倉合約:

淡倉底最大位20000點, 4.589K張

淡倉頂最大位24000點, 4.293K張

好倉底最大位24000點, 3.151K張

好倉頂最大位28000點, 2.767K張

2. 頂底相差4000點, 好淡倉最大張數都處於24000點. 可見九月期權波幅有機會到24000點. 

3. 我認為如果期指趺到20000點應要平淡倉, 可買一張九月期權24000CALL試一試.

期指結算日尾市大插

今日係期指結算日，我特別注意今依兩日既期指走勢。因為經過兩個月既期權摸索，對依種衍生工具有小小認識，開始對時間值對期權既影響有啲盤感。

我一路都認為期結係做市既日子。因為期權倉訂好左，大戶就會盡量將期指推向對倉位有利既方向。例如應跌不跌應升不升，然後期結後先再向某方向行。

今日都算係發生依個情況，期指係尾市25分鐘內，急插，由升市轉為跌市。8月期指因結算於大約21900，所以無改變，9月則大跌。

我今日中午加多一張大期19000PUT, 而家持有兩張，平均價222元。希望今水都俾我賺到。

其實買期指方向，運氣佔50巴仙，只能聽天由命，由自己控制風險。

是否應該食即日波幅?

操作左期權兩個月，暫時察覺以下幾點，不知是否正確，不過先在此記錄低:

1，即市一分圖係有玄機，當中的支持阻力係有路可捉。不過需要有睇圖軟件輔助，幫自已去為下一日或即市預測大市走向。

2，操作期權無須標籤自己為好友淡友。應該要順勢而做put 或call。錯方向就是錯。做即日交易的好處就係彈性大，隨時都可轉換方向，食兩邊波幅。

3，止蝕的決定。有人說過買進去的期權金就是止蝕位，輸哂就輸哂，無須為果份期權金而去作止蝕。我覺得依個做法都幾好，因為2+2=5-1的理論，要捱價去等到最後獲取利潤。所以買入的資金如果係可以全輸的話就能放心捱價。

4，月尾買下個月的期權，如果有一邊的期權金係70以下，其實可以先買，買為期權金較平，而且一個月的波幅有一千點，隨時爆單邊賺。而另一方向可以隨時間而買入，不須要同一日買兩邊。

5，有時候盤感很重要，盤感是從圖表中看出來的。不要給別人影響買賣決定，信自己。

八月尾第一次總賺5萬元

八月尾的幾個連續跌既交易日，給予我機會在三天時間賺了約五萬元利潤。這是我第一次賺到最大的利潤。

我從這五萬利潤中抽起一萬元去買東西。送了媽媽一部note5和一雙鞋，爸爸就送了一部藍光機，另外請了屋企人食了一餐晚飯。一天之內用了一萬元，真的好爽!

其實期權真的可以給予每個交易日固定利潤，我初步發現其實有路可捉，要研究一下。

連續幾日大跌市後的經驗反省

今個星期, 差不多每天都跌, 雖然每天跌幅都不是很大, 大約三四百點一天, 可是連續幾天的跌幅加埋已經超過一千點. 在這幾天裡, 我做了多次期權買賣. 當中有很多次的決定是錯誤的. 在此要一一列出, 並作出反省, 希望能總結出經驗. 為下一次更好的期權操作鋪路.

1. 對自已睇既方向無信心. 當大市即日圖表牛皮或不是向自已的方向行時. 就焦慮並急急平倉.
個人認為此問題係源自於輸唔起, 當見到即市圖表反方行, 然後賬戶資金開始虧損後, 就對方向沒信心. 很多時候, 大市只是牛皮, 並沒有向反方向行走. 睇即市圖因為太短線, 才會不敢坐貨.

我今個八月, 從月頭既時間買始買恒指即月24200 PUT, 去到今日恒指收市價是約22380, 賺約1800點, 若以50元一點計, 這是九萬元的利潤. 為何我捉不住這個機遇呢? 一定要好好反省一下.

Computer hanged, 我所有打既野都無哂, 唉!

總結3點:
1. 捱價時既心理狀態。平倉止蝕定等待轉向既決擇。
2. 買即月定下月期權既決定。月中後應買即月定下月? 時間值既決擇。
3. 行使價既決擇。月中後即月是否買近價? 下月應買價外。

嚴格遵守期權買賣策略!

今日既牛皮上落市, 令我深刻感到分段平倉既重要性. 現在開始我要按照以下策略買賣期權.

1. 今個月月中, 可以買定下個月的長倉. 前題要訂下月好淡既方向.
2. 月頭買入既長倉, 可以買近價既長倉. 一啱方向, 進入價內後立即平倉食糊. 並且按情況再買入下兩格近價長倉或者轉方向買入.
3. 一定要遵守分段獲利, 食半熟牛扒. 因為一個入面, 跌得好深既日子唔多. 所以用期權黎守既獲利機會太小. 輸時間值!

今次從錯誤中學習! 為下次買賣作更好的準備!

另外想寫低買賣程序, 將來睇番睇下啱唔啱.

1. 首先睇大環境, 定左好淡方向
2. 而家睇圖表, 定下支持阻力位
3. 跟據支持阻力位去選行使價

期權買賣的又一反省: 分段獲利

買期權, 我領悟到既係, 如果買錯方向既話, 應該要立即平倉並準備買另一個方向. 因為有一個心法就係輸50點可以好快賺番黎, 但係輸500點就好難可以再賺. 有時候寧願輸小啲都好過賺唔到. 因為市場永遠有機會俾你賺到錢, 大前題係要有足夠本錢俾你去做買賣. 所以留得青山在, 那怕無柴燒!

而今日想反省既就係咩野情況下要分段式平倉獲利呢? 話說我琴日做期指23800 PUT, 而期指也曾經跌至237xx. 當中我的賬面盈利有九千多元. 但係當時我決定唔平倉, 諗住等今日再大跌先平倉.

不過好可惜今日不跌反升. 琴日賬面所賺的九千多元完全蒸發哂, 再輸多二千多元. 加埋今日賬面輸一萬元. 係依個時候, 我就係度諗. 是否每天有盈利都要先平倉, 不要過夜呢?

回想起之前幾次, 都係即日食糊. 過夜食大糊既次數好似未試過. 如果即是食糊, 起馬將盈利收取左先. 不過係咪因為今個月都係牛皮市先係咁樣呢? 一日升一日跌, 如果買過夜應該係包輸. 因為輸時間值. 但係我記得有人講過, 如果真係大升或大跌, 應該係一兩日內連續向同一個方法行. 波幅應該有一千點以上.

我既指數期權經驗仍然好小, 我想信通過不停反省吸收經驗, 會令我做得更好!

今日的期權操作: 盈利約五千元

今天九點十五分, 期貨市場一開市, 期指便大幅下跌. 十五分內跌超過四百點, 即是九點半股市一開, 期指報大約24000點. 這個現像有點怪, 但不能立即下定論, 好像不太正常, 因為沒有特別壞消息.

我本身係月頭買左期指跌, 今日一開市期指跌, 所以我啲PUT可以有盈利. 也都係俾我走貨既時間. 今日我根據以下幾點決定平期指淡倉:

1. 九點十五分至九點三十分入面, 下跌超過四百點至期指報約24000點. 好明顯是為了屠牛證. 因為九點三十分一開市, 24000點的牛證就立即被屠, 無機會俾牛證散戶走貨.
2. 九點三十分開市後, 我才知道有一個利淡消息, 就是特首表示積極不于預已過時. 我從書本中學到, 任何消息都可作利好或利淡, 只在乎大戶怎樣解讀. 所以開市後, 我沒有立即止賺平淡倉. 等大市繼續跌, 讓利潤滾存.
3. 開市左, 大市沒有再向下跌, 牛皮了一段時間. 這個時候我決定食糊平哂所有淡倉. 再轉買好倉, 因為看見大市跌不落, 博反彈.
4. 下午大市真的反彈了. 但見到期指一接觸24500點便向下, 即這是個頂. 所以我決定平了好倉, 先獲利.
5. 尾市時我買了期指好倉24600點. 我覺得後市似向好的感覺. 因為今天成交比上星期多, 而且今天是低開高收, 陰陽燭呈現T字型. 令我覺得明天會升. 姑且看一看我的盤感準不準.

其實今天都做了幾次交易, 輸了幾百元. 但這是因為買錯方向而斬倉. 這必須要做的, 因為方向一旦錯了而又不斬, 只會越輸越多. 如果早在因為輸幾十點就平倉, 輸小小而保留實力. 一定可以在期權市場中賺回內. 

不過, 其實尾市買了一張大期過夜, 有點擔心. 始終現在市況牛皮. 如果方向不對, 很快就會將今天賺到的五千元全部輸掉. 只怪太想賺到錢了...

我從恒指的月線圖見到, 現在恒指在上升軌的底部, 如果穿了這線的底部, 熊市可能會來. 我現在博八月份不會跌穿這個底部.

幾個期權問題: 幾時平倉? 引伸波幅?

依兩日我係期權市場輸左大約一萬元. 完全將我之前賺番黎既錢輸番哂. 應該有輸多添, 所以我要將我依兩日所做既野做一個反思. 從錯誤中學習.

我之前所以賺到錢, 係因為我係大跌市既時候買LONG PUT. 睇中方向, 一日內賺左一萬元, 果次係好果繼咁即日平倉. 係第二日既時候, 恒指已經回彈, 好彩果繼咁平左倉, 否則不能賺盡. 從這次經驗, 引伸出一個問題, 究竟要見好就收定過夜等利潤滾存呢?

要解決依個問題, 係咪就要好似之前有一本講期指書既作者所講, 買期權期貨要買雙數? 當利潤到達某個數, 就平一張, 另一張就俾佢利潤滾存. 依個方法好似不錯, 或者未來可以試一試用依個方法.

下一個問題, 究竟買長倉既時候, 引伸波幅應該高定低既時候買呢? 我睇書就話, 最佳做短倉既時機係係高引伸波幅時做短倉, 然後等引伸波幅縮, 賺差價. 而做長倉就相反, 係低引伸波幅時買, 高引伸波幅時賣, 同樣賺差價. 但係引伸波幅係代表左咩呢? 暫時據我了解, 低引伸波幅係代表預計後市會牛皮, 唔上唔落, 如果牛皮市買左長倉就會輸時間值. 相反依個時間做短倉就賺時間值.

如果係咁既情況, 我估應該咁樣做最佳. 首先定左個方向, 買CALL定PUT. 定左方向之後, 就睇下而家想買既行使價同昨日既行使價既引伸波幅有升幅定跌幅, 如果做長倉, 應該等到某一日, 今日引伸波幅比昨日既引波幅大. 咁樣可以預期後市有大波幅, 從而賺取漲升期權金. 倒番做短倉就係等今日引伸波幅比昨日細, 就係做短倉機會. 不過當然大市會有突如其來既消息令波幅大增.

再下一個問題就係睇未平倉合約. 依個動作據講係每日必做既功課, 去留意大戶做倉既方向, 去估計即月既恒指波幅幅度. 但係有一點唔明白, 如果好倉同淡倉都五五波, 咁未平倉合約係咪無參考會值呢?

期權買賣小結: 賬面暫蝕, 捱價中 04-08-2015

開始左期權買賣一個月. 輸多賺小. 依個應該係必經階段. 從實戰中汲收經驗. 天下沒有免費的午餐, 想拎經驗一定要親身投入戰場. 係陸地上係唔會學得識游水. 最小都要了解期權既運作, 先可以為未來既期權操作做準備.

好, 要係期權市場賺到錢, 第一樣野要識睇市, 知道未來市既方向. 依個係最難. 因為知方向根本用咩工具都會賺到錢, 唔一定要用期權.

今日我做左超過十次既交易, 佣金應該超過五百元. 但我接受到. 因為今日我學識左幾樣野.

第一樣, 我琴日買左24000既恒指PUT, 今朝恒指跌到241XX. 我買既PUT賺過三千多元. 但係我無平倉, 諗住繼續渣. 到十一點幾既時候, 恒指已經升番去243XX, 我買既PUT已倒蝕三千幾. 第一點要反思既係, 期權係短線買賣. 如果有2至3%利潤, 是否到平倉獲利先? 依點要認真思考. 因為恒指波輻大, 隨時都會上落幾百點. 所以即使你睇到方向. 但日波輻都存在, 所以要食半熟牛扒應該日日都有機會. 唔須要一直持有到到期日. 如果做到依點, 每次交易都有利潤, 長久落去應該會累積到可觀利潤.

第二樣, 我之前戶口無錢, 係買恒指細期, 每點十蚊. 到後期戶口存款多左, 買細期既張數多左, 都有五至六張. 咁樣分多張數買既好處係將來可以分開平倉. 但係手續費就多左. 今次我買多張細期, 都係一次過買一次過賣, 無左分段出入既意義. 所以我之後將所有細期平哂倉. 轉買一張大權, 都係五十蚊一點. 咁樣既操作我覺得合理啲, 收一次手續費. 同樣, 因為今次又買又賣, 令到今日交易次數增加左好多, 同埋每次平倉都蝕差價, 所以輸左幾千蚊. 但我相信之後會賺番. 今次係拎經驗的.

第三樣, 係關於股票期權, 今日試左做短倉. 如果睇未來跌, 做短倉就係SHORT CALL, 如果升穿CALL 行使價, 就要派貨, 所以最好手頭上有相關股票派貨或者現金買股派貨, 等同沽空股票. 如果睇升, 做短倉就做SHORT PUT, 如果跌穿行使價, 就要有現金去接貨. 當有以上心理準備後, 就可以做短倉. 因為我未試諣做短倉, 但係一定要試一次, 所以就用左388行使價220蚊做一次SHORT CALL. 結果係輸左三十幾蚊, 但了解到操作. 也是用錢換經驗的方法. 將可以運用係指數期權.

總結今日輸左應該有八千元. 我想信未來一定會賺回來. 現在我的持倉有:

指數期權:

1. 26000 MHSI CALL 8月1張 (現時賬面輸$500)

2. 24200 HSI PUT 8月1張 (現時賬面賺$1450)

股票期權:

1. 中電67.5 CALL 8月1張 (現時賬面輸$30)