我由上年五月開買賣股票. 仲記得係五月三十一日, 我生日果日問呀鑫關於渣打戶口既詳情. 最後係渣打開左第一個股票戶口. 渣打股票戶口既優點係交易佣金好平, 用幾錢蚊買一兩手既佣金都係幾蚊, 所以買賣成本好低. 但係缺點係如果市場好旺既時候, 渣打有機會登入唔到. 而且渣打有最低存款數一萬元. 所以用左一段時間後, 最近去左致富開證劵戶口.
致富證劵戶口可以買賣期權期貨同股票, 不設最低存款數, 不過每次交易費四十元. 成本比渣打高, 所以每次交易都要小心, 否則好快會輸佣金.
而家做一個總結, 截至19-07-2019:
- 渣打戶口: 存款$11354, 持有兩隻股:1) 400科通芯城, 買入價$8.87, 持有1000股. 2) 3147南方中創業板, 買入價$12.42, 持有200股.
- 致富股票: 存款$7352, 持有一隻股:1) 2202萬科企業, 買入價$18.38, 持有400股.
- 致富期貨: 存款$66.2, 沒有持貨.
- 致富期權: 存款$549, 持有15年8月到期的平保期權, 買入價$1.69, 持有500股.
其實中間期貨我做左個錯誤決定, 我係7月頭用4千多元買左7月尾到期既恒指細期期權, 行使價26600點. 我係7月中蝕住三千多元止蝕. 因為當時恒指跌得好金, 最低跌到24800點左右. 當時我好悲觀, 認為7去唔番26600所以止蝕. 其實而家諗番, 既然都輸左三分二, 我當時止蝕同去到7月尾先止蝕都無太大分別. 最果等到7月尾, 可能仲有機會倒賺.
從今次經驗, 要汲取教訓, 唔須過早止蝕.
