昨日犯左好多錯！！！

前日收市前入左好倉，所以昨日一高開我就倉左二千多元既利潤，然後我即刻入淡倉，好好彩大陸突然大跌所以帶動恒指都由升變跌。依短短既五分鐘跌浪，我既好倉就賬面賺左一萬幾元。我既期權倉由本來輸八千幾元變倒賺一萬元。

但係我唔知足，想買賺，不停入市買好倉買淡倉。買到佣金高達680元。到收市既時候變左倒輸四千元。

過眼雲煙，所有都係賬面既賺蝕。而家要反醒一下今次既問題。

1）其實果五分鐘急跌，運氣黎。如果賺到應該先收手平倉，將利潤倉左先。
2）唔可以再好似昨日咁不停做好做淡，俾個市帶住咁走，唔理有無賺都先輸佣金。

一切都係心魔，今次當汲取教瞓，下一次再遇到相同情況要記住食左就要停，唔好再過度交易！