買左一張LP

今日買左一張23000LP，期權金128元，成本六千多元。目標可以賺五百元就可以。

不過而家捱價中，唔知今晚美國股市會唔會跌。其實恒指七月到而家九月頭已經升超過二千幾點。我一路無買好倉，係上星期五入七張LC博下，好彩俾我博中，但係無渣到今日，所以食左三萬幾蚊就算。如果今日平應該有差唔多五萬既利潤。

其實我好耐無係期權賺到大錢，對上果次係二月農曆新年後，一野賺十萬。算係我既代表作。今次賺到三萬都好滿意，希望可以繼續賺。

講番依張LP，我係賭仔心態咁買，因為依個時候做淡係逆市而行。我買既原因係大市升左太多，一個升得急既市點都要回一回調整。希望我會捉到調整浪。後市我應該會買番LC。不過要小心輸時間值，因為有機會再橫行半個月。