因為blog已經過時，無人睇。
所有經驗都會留待未來出書再分享。
2024年3月14日星期四
2024年2月24日星期六
美股期權
上星期買左幾次美股期權，有以下心得。
我買左TQQQ同SQQQ既期權，因為指數波幅較易睇，因為納斯達克跟英偉達既升跌好重，比較有比標性。當日我靠TQQQ既CALL賺到八百幾英金。
之後可惜買左英偉達既PUT，不過估唔到會繼續升，所以輸番一千蚊美金。
本都輸左好多，而家揸住一張特斯拉既PUT，賬面賺番一百蚊美金。希望依隻PUT可以令我賺番啲。係依段買期權時間，總結都啲野。
首先，期權真係可以賺到錢，仲要係快錢，快賺快輸，所以要走得快。
第二，市場上有好多股都買到期權，但要㨂到一兩隻波幅大，同埋有趨勢既股，咁先可以揸住一段時間，賺到幾倍錢。好過買美股既妖股。
第三，買賣時段，美股好多時都會V型反彈。暫時未睇到邊段時段比較易搵到食。
最後，買美股好影響睡眠質素，因為半夜會瞓醒睇股，變左瞓唔到熟睡。
依段時間，繼續試下，總結下經驗。一定要係美股期權搵到方法賺錢，因為而家生活消息太高。
港股見底？
最近睇股票，會睇埋滙率同埋債劵，增加左對股票睇法既準繩度。
依兩個月見到美滙同美債都有明顯既回調，加上昨日公佈增加內地其他城市既自由行簽證。下一步只要旅客既退稅額增加，咁樣肯定會刺激到旅客既消費意慾。
股市會以憧憬先升，然後大戶資金流入後，散戶再跟上。而家似係見底回升既先兆，只望美國唔好再加息。
昨日星期五見到莎莎國際有資金流入，升左一倍。只是莎莎國際仲未有派息，如果有派息，相信基金會持有，散戶都會買入。依隻股而家跌到變豪子股，係疫情期間跌左超多，通關後都未見起色，因為香港人去左內地消費，內地人都減小左留港。
其實當中有好多野要留意，首先人民幣滙率，用人民幣兌港幣黎香港消費，變相係打左折扣。而香港既時裝產品同內地有分別，同埋好小機會會買到假貨。依兩野樣都係香港既優勢，但係內地通過網上購物既渠道都方便左，可能唔會專登落黎香港買，只要免稅額增加就可以幫到香港經濟。
結論，而家應該要部署好，我買左莎莎國際博下。
2024年2月13日星期二
新一年，對股票睇法唔同左
以前睇股市，就咁睇公司業績好唔好去決定隻股會唔會升同跌。
而家睇法唔同左，我會睇資金，資金係邊度黎？係匯率。.
股票講供求，有錢到，先有人買。能夠令股票升跌，絕對唔係我地依啲散戶能夠做到。散戶係坐船，跟住大戶錢去搵食。
所以，錢到資金到，下一步先講邊隻股升。
君不見，好多好股就算業績好，大市跌，佢都要跌，難道隻好股無賺錢咩？非也，資金走，理得你有無賺錢，相反，資金到，理得你公司上年係咪蝕錢。
點樣睇資金有無流入港股？ 睇美匯，睇人民幣，睇日元匯率。
假設全球只有一舊錢，邊個市場旺，啲錢就去邊個地方。而家2024年，最旺既市場就係日本。只要日本唔跌唔回調，港都無運行。
股市係一個周期，港股係好平，但係都要等資金流入。要等美匯跌，人民幣升，錢先開始流入港股。而家港股係處一個潛龍勿用既情況。
一個字：等！
2019年11月23日星期六
2019年10月28日星期一
2019年10月18日星期五
2019年10月17日星期四
2019年10月16日星期三
2019年10月15日星期二
2019年10月14日星期一
中電Short Put早左走
話說依個月我入番錢落去致富股票期權戶口。
開頭做金沙既LONG CALL, 賺到幾百蚊。 然後再做中電80蚊Short put，諗住賺佢700蚊既期權金。
可惜前幾日中電跌穿80蚊，我太驚，最後平左張Short put。
去到今日，中電升番上80.8, 即係我果700蚊其實仲係袋袋平安！
平左Short put之後，我買左石藥LC，今日損手平倉，再輸多二千蚊。
即係前後我輸左三千蚊。
好難玩！
我諗我要集中玩番金沙，睇下可唔可以賺番輸果啲。
其實而家我對操期權盤既技巧係熟左，希望之後會繼賺到錢！
好耐無更新，記底啲野先！
2017-2019年間，輸多過贏。亦因為咁，令到我自己更加有動力去學股票。
係台灣書店買左好多本講技術分析既書，可是依類書都十分難明，同埋好難應用係港股上。所以依兩年間所進步既知識都唔多。只能靠自己不斷嘗試，不斷反省，睇下搵唔搵到方法。
而家我所用既策略係，大筆既錢主力買落高息股，股息率要高過6厘。其次係將自己既積蓄，買係啲路到好殘既股，不過依個方法有風險，因為跌到好殘，所以唔知幾時會反彈。依隻積蓄我唔會再加注落去，因為唔想溝貨。第三係每個月人工抽部份出黎投資。
而家每月抽出黎既人工有三千蚊去渣打銀做儲錢既。亦有千幾蚊轉去富途同埋致富既投機戶口。
暫時我既策略係咁。
至於富途炒即日先牛熊證，暫時都搵到錢，講真一日賺到三百蚊我已好滿足了！
2017年3月21日星期二
有新睇法
最近依兩日都有賺到錢，大約賺左一萬蚊到，期間又輸左幾千蚊，我諗住將餘下既錢全部拎出黎用左佢。而家渣得只有一萬八千元，所有錢用來持有1250八萬股。現在1250無有突破既升幅，看看三月尾公佈業績後會否有大升。如果無升的話我再作決定，這一萬八千元是我渣打的股票本。
其實我之前太意氣用事，將大部份積蓄用來炒高風險股，如果賺會很多，可惜沒有。現在戶口已沒有太多錢。期權那邊更慘，輸到只餘五百元。那個時侯時我炒股中最慘痛的時段，全因為意氣用事，買了太大注。現在計劃每月轉小小錢到期權那邊重出江湖，再賺過！
這幾天我炒牛證有大賺，炒熊證就小輸。我再三思考，對牛熊和期權有新看法。首先牛熊和期權是兩種不同工具，不能互相取代。牛熊估的是回收價而期權估的是行使價，兩者都是估，但是所投入的資金卻有分別。牛熊如果買近回收價的，所需的資金極小，壞處是很易被屠。而期權如果買近行使價的話，期權金會很貴。首先在成本上已有明顯的分別。另外期權的時間可以持有一個月，而牛熊很多都是半年有較期，時間值上沒太大意義，因為很多時都是短炒一兩天，所以對時間值不會敏感。
了解了兩者的分別後，我的看法是，絕對不要預先買定牛熊或期權去等大市升或跌，因為一旦大市行反方向或橫行，跟本無利可圖甚至會蝕時間值。所以第一件事是要等，等大市有方向，如果看大市有沒有行單邊就是關鍵所在。這需要技術分析。
然後，假如你看得清大市將會行單邊的時候，買牛熊獲利是比期權容易。因為第一你不會知道大市會升到那個位，大市每天都在變化，如果買期權近行使價的話，想每點一百元就要兩張，分分鐘所投入的資金要萬多元，假如你入市後大市明天是行反方向，那你的期權金將會蝕非常多！但是如果你是買近價牛熊，想每點一百元就要買十萬股，所投入的資金是二三千元。相對的如果大市是行自己買的方向，那麼牛熊和期權都會賺，這時可能期權會賺多少少，但係期權也有闊價的時候，而且對期指變化非常敏感，和牛熊差不多。
如果買啱方向，那牛熊最多持一兩天，然後再轉下一隻近牛熊這樣轉來轉去，佣金成本會比期權低。那結論是其麼呢？我在想，假設期權戶口和證劵戶口都有錢的情況下，通常牛熊證是見到大市有方向才會買，因為會被屠所以很小會在無方向就買定，反而期權很多時會買定來等大市行。如果這樣，首先都是要等時機，有明顯方向時就買近牛熊，不要估升到那，另外同時入期權，要估升到哪。然後一兩日後牛熊就要平倉獲利，再轉下一隻近牛熊，而期權則要繼續持有直到入行使價。這是我的新看法！
2017年2月22日星期三
信心？
今個月又輸，已經輸到無哂本，而家要每個月儲番一千月去買期權。其實我今個升浪，我無信心揸住，又一次錯失回本機會。而家問題又再一次出現，究竟係要長揸食浪定係短炒即食呢？
依兩種情況我都經歷過，長揸住食唔到浪，原因係個市横行，根本無機會俾你食浪。而如果你短炒，俾你賺到小小錢之後，你又入番反方向，因為果陣你又睇緊橫行，但係大市行浪你隨時輸番賺左果小小。
歸納出黎既結果：要識睇圖評估入市時機，即當時應該入升定係跌。第二係博佢行浪定橫行。
如果照計，食浪可以致富既機會大過短炒食橫行市。是否每一次入市都以食浪為主呢？每次炒一個月市。總有一次食中浪，咁就可以回本。
如果當賭錢咁計，每個月用五千蚊，月頭買期權金大約50點既，買兩張，每一格一百元。如果期權金去到二百，即賺一百五點，果度係一萬五千元，係三倍利潤。每月五千蚊，一年六萬元。咁樣買值唔值呢？如果有啲月份擺明係橫行市，咁可以避免唔入市。想一想有無可能咁樣做先。。。
2017年2月9日星期四
時機
今日平左好倉，終算獲左小小利。然後有感而發，覺得要搵番之前既感覺先可以唔輸。
其實上個月都有一次睇啱市，然後早左平倉，獲利後再買反方向，最終變左倒輸收場。而今次既獲微利都係先輸後贏，正正係因為先輸所以反映左我買入既時機錯左。如果我遲啲先買，咁樣獲利既金額係會多一倍。而平倉後先作離場，亦都係可以避免再輸番之先贏既。
我記得係我第二水係羅湖做既時侯，有一段時間可以長勝，而且賺得唔小錢，係一日可以超過五千元利瀾，當時既手風係好順。果陣係炒好短，好多時係炒即市。
以下係總結一下今後既入市時機：
1) 要有睇即市圖既技巧，如果即市係悶市既，都唔好諗住之後會行大浪。行大浪之前應該係有一棍強勁既買賣盤去推動。如果炒到即市係最好，因為風險低。
2) 平倉其實都係睇即市，買入賣出都要有根據，一旦做左自己訂下既選擇之後，就唔好即市再追入。諗番好似無一次係可以補追入之後賺到既，次次都係輸番走。
3) 牛熊證最後都係要係渣打買，因為佣金平係大哂，加上佢可以設下止蝕價。東亞唔可以設止蝕價同佣金貴，今後唔可以再用東亞買牛熊證。而致富可以設止蝕價，但係佣金都唔平。所以最後結論係要用渣打買賣牛熊證。
4) 唔可以先買定某個方向既長倉。第一，長倉行使價好難決定，買近既行使價好貴，而買遠既行使又好難達標，最終輸時間值。唔只一次再現既一個情況就係個市先橫行，所有既長倉期權金都蝕緊，然後個市再向某個方向行，如果係發現大市開始行既時候先入長倉，能夠賺到錢既機會係大過一早買定長倉既機會。
就今日既24000LC而言，我入既時候係72，最低見過34，今日最高係約100。我唔係100既時候平倉，好似係80平，雖然賺小左好多，但有賺好過輸。照依個情況，我根本係有條件係72以下買長倉，但係因為我一早就買定左，個市未向我個方向行之前就先跌，如果我係佢跌既時候先買，今日係賺到一倍。依個就係買入時機既重點。今後要留意，忍手！
同埋再一次講，平左之後決不可即時再入，倒輸既機會係超過九成。平左倉就要等時間，寧願賺唔到都唔可以倒輸。要克服心魔！
2016年12月8日星期四
無奈
買指數升跌，理應似買大細，唔係升就係呀，照計二分之一機會，但係都唔中。
之前我睇圖，即使係跌市我都覺得未轉勢，仍然係升勢，要去到23200先會停。但係上星期有幾日跌市，而家曾經跌穿22600，22600係我睇既好淡分界線。
當時我入左23000點期權，而家應該賺到3分1錢。不過可惜我又受到外界影響判斷，平好倉入淡倉，而家輸緊一半，個本都就黎無哂。
其實而家應該輸凸左，有幾次都係東亞戶口過錢去致富。而家如果個本都輸埋就要再過錢。
而家既淡倉平唔平好?而家仲係月頭，會唔會月中後轉勢呢？咁樣買其實係買大細，再次硬頸埋今次吧。下年再重新部署...
美國升咁多，又會有加息因素，而港股大藍籌好多都跌，會唔會係虛火?
2016年11月19日星期六
我看待期權交易如做生意！
做生意也不是每一筆都能賺，期權交易也一樣。
我因為職業的關係，沒有做生意的時間和產品知識，也沒有很大的本錢去投資生意，股票是我唯一可以做到的生意。做生意不熟不做，如果我要在股票市場成功，一定要對股市有認識，而買正股是沒有做生意的效果，因為沒有槓桿和本錢非常大，反而期指期權則可以提供一個投機的機會給我。
買一張大期要按金十多萬，我沒這個本，所以我選擇買期權。本錢多一點點的可以買十張八張，一點可以達到四百五百元，短線十分刺激，利潤也十分之大。配合上資金控制，其實即市短炒不過夜能獲利機會不細。再加上期權期指在跌市是也能獲利，不像股票那樣跌市時只可以守。
另一樣期貨比股票好的就是，有些股票有時跟大市升跌，有時又不跟，你跟本無法從大市圖表中預測到你手上持有的股票在升市時會否跟升。如果大市升你的股票不跟升，那種無奈真係不好受。反之期貨是炒大市，所需要分析的也只有大市的圖表。由此引伸，期權的產品知識在做生意的角度看就是要熟識圖表。
我對圖表有個基本認識，要繼續學習更深入的知識。到目前為止，我所知道圖表要分析的是支持和阻力位，判斷大市趨勢強弱，方便對下一秒的方向作出評估。而每一枝陰陽燭背後都有其獨特的心理決定，要分析要這些心理決定才能更準確評估大市氣氛和方向。有了這些知識才能增加你在期貨市場中獲利的機會。陰陽燭是最直接的工具，所以其他技術分析都是滯後的，所以我現在一定要非常深入學習PRICE ACTION！
2016年10月31日星期一
都係適合買期權
之前買細期，一點十元，太過小錢，縱使你睇啱市，大市向你買既方法行一百點，你都係賺到一千元。如果你一千元唔獲利平倉，隨時連一千利潤都失去，更加可能會倒輸。但係大期黎講，一百點己經係五千元，係一個好可觀既短炒數字。
我之前係期權所賺到既十多萬元，現在只餘下一半，約八萬元。買賣正股都可以令我輸左一半，咁我不如買番期權，起馬都有機會賺番幾萬元。買賣股票同買賣期指一樣，都係無得估，但係期指可以買跌，己經比買賣股票多左一半機會獲利。
而家都輸到麻目哂，股票果邊輸幾萬好似無乜大不了，其中一個原因係果邊既錢我根本唔會拎黎用，賺同蝕都係放係個戶口。現在致富股票主動重倉669的認股證13089。雖然而家輸緊錢，但係依隻認股證係下年年尾到期，仲有好長時間，反正我都唔會長渣，如果有一倍利潤我都係平倉。
期指方面，我覺得都係將重心放係期權，寧願用多小小錢去買近一啲既期權，可以買兩張以上，只要大市一行到我所買既方向，好快就有幾千元，到時平倉再買，感覺得比買期指好。期指唔啱方向要先保倉才可以繼續持有，本身你要有本才可以。
致富股票果邊有利我都會轉回去期貨果邊買賣，股票都係無乜用。我係短炒型既人。
訂閱：
文章 (Atom)